ဖုန်းခေါ်ဆိုရန် : +95 9 772 458 611 , +95 1 540 661, +95 1 549 167
ဘာသာစကား ပြောင်းရန် :

ပရဟိတ ဝန်ဆောင်မှု

Kembangan-UHC General Hospital ဆေးရုံနှင့် အမေရိကန်အခြေစိုက် Smile Train တို့ ပူးပေါင်းပြီး Coporate Social Responsibily အစီအစဉ် အနေဖြင့် မွေးရာပါ နှုတ်ခမ်းကွဲ၊ အာခေါင်ကွဲ လူနာများကို အခမဲ့ ခွဲစိတ်ပေးလာသည်မှာ ယခုဆိုလျှင် မြန်မာတစ်နိုင်ငံလုံးမှ ဦးရေ (၆၀၀) ကျော် ရှိလာခဲ့ပြီ ဖြစ်ပါသည်။

  • အသက် တစ်နှစ်ပြည့်ပြီး မည်သည့်အသက်အရွယ်မဆို မွေးရာပါ နှုတ်ခမ်းကွဲ၊ အာခေါင်ကွဲ ဖြစ်ရန်သာ လိုပါသည်။
  • အပတ်စဉ်၊ လစဉ် တစ်နှစ်ပတ်လုံး လာရောက်ကုသနိုင်ပါသည်။
  • ကုန်ကျစားရိတ်အနေဖြင့် ဆေးရုံတွင် စတင်ကုသမှု ခံယူသည့်နေ့မှစ၍ ဆေးရုံမှ ဆင်းသည်အထိ (သွေးစစ်၊ ဓာတ်မှန်ရိုက်၊ ခွဲစိတ်ခ၊ ဆေးဝါး) အားလုံး အခမဲ့ ဖြစ်ပါသည်။


နှုတ်ခမ်းကွဲ အာခေါင်ကွဲ ဘာကြောင့် ဖြစ်ရသလဲ။

  • ဆေးလိပ်သောက်ခြင်း

ကိုယ်ဝန်ဆောင်ကာလအတွင်း မိခင်(သို့မဟုတ်) ဖခင်သည် ဆေးလိပ်၊ အရက်သောက်စားခြင်း(ဆေးလိပ်သောက်သော မိခင်က မသောက်သော မိခင်တွေ ထက် ဖြစ်နိုင်ချေ ပိုရှိသည်)တို့ ကြောင့် ဖြစ်စေနိုင်ပါသည်။


  • ဆီးချို/သွေးချို ရောဂါ

ဆီးချိုရောဂါရှိပြီး ကိုယ်ဝန်ဆောင်ကာလတွင် ဆီးချိုတက်လျှင် ရောဂါမရှိသော မိခင်တွေထက် ဖြစ်နိုင်ချေ ပိုရှိသည်။


  • မိဘမျိုးရိုးထဲတွင် နှုတ်ခမ်းကွဲအာခေါင်ကွဲ ရှိခြင်း

တချို့ကလေးတွေဟာ မိဘမျိုးရိုးအရ နှုတ်ခမ်းကွဲ အာခေါင်ကွဲဖြစ်တတ်ပါတယ်။ မိဘမျိုးရိုးတွင် နှုတ်ခမ်းကွဲ အာခေါင်ကွဲရှိသူက မရှိသူထက် ဖြစ်နိုင်ချေ ပိုများသည်)


  • ကိုယ်ဝန်ဆောင်ချိန်တွင် အာဟာရပြည့်ဝမှန်ကန်စွာ မစားသုံးခြင်း

ကိုယ်ဝန်ဆောင်ကာလအတွင်း ပတ်ဝန်းကျင်မှ အဆိပ်ငွေ့များ၊ ဆေးလိပ်ငွေ့များကို နေ့စဉ်ရှူရှိုက်မိခြင်း တို့ ကလည်း ဖြစ်စေပါသည်။


  • ပုံမှန်အားဖြင့် နှုတ်ခမ်းဟာ ကိုယ်ဝန်(၄)ပတ်မှ (၇)ပတ်မှာ ဖြစ်ပေါ်တတ်ပါတယ်။

Body Tissue နှင့်  Special Cells တွေဟာ ဦးခေါင်း တစ်ဘက်တစ်ချက်စီကနေ ဖြစ်ပေါ်လာပြီး အလယ်ဗဟိုပြု၍ ဆက်သွယ်ပြီး မျက်နှာပြင်မှ ပါးစပ်နှင့် နှုတ်ခမ်းတို့ကို ဖြစ်ပေါ်စေပါတယ်။ ထိုသို့ကောင်းစွာ အပြည့်အ၀ မဆက်သွယ်နိုင်ခဲ့သော Tissue များသည် နှုတ်ခမ်းများ ပြည့်ဝစွာ မဖြစ်ပေါ်နိုင်ခြင်း မှနေ၍ နှုတ်ခမ်းကွဲခြင်းကို ဖြစ်ပေါ်စေပါတယ်။ ပုံမှန်အားဖြင့် နှုတ်ခမ်းကွဲပါက အာခေါင်လည်းပဲ ကွဲနိုင်ပါသည်။


  • ပါးစပ်၏ အတွင်းပိုင်းအပေါ်မှာဖြစ်တဲ့ အာခေါင်ကတော့ ကိုယ်ဝန်(၆)ပတ်ကနေ (၉)ပတ်မှာ ဖြစ်ပေါ်ပါတယ်။ ဒီကာလမှာ Tissue တွေဟာ ပြည့်ဝစွာ အတူတကွ မဆက်စပ်နိုင်ခဲ့ဘူးဆိုလျှင် အာခေါင်ကွဲ(အရှေ့ခြမ်း) သို့မဟုတ် နောက်ခြမ်း(အာခေါင်မာ) နှစ်ခုစလုံး ကွဲနိုင်ပါတယ်။ မိခင်နို့ကောင်းစွာ မစို့နိုင်ခြင်း၊ သို့မဟုတ် အစားအသောက် စားသောက်ရာတွင် ခက်ခဲခြင်း၊ စကားပြောလျှင် အသံထွက် မပီသနိုင်ခြင်း၊ အကြားအာရုံထိခိုက်ခြင်းတို့ ဖြစ်နိုင်ပါသည်။

ကုသမှု

ကိုယ်ဝန်ဆောင် ကာလတွင် အစာအာဟာရပြည့်ဝစွာ မှီဝဲရန်၊ ပုံမှန် Ultrasound ရိုက်၍ သန္ဓေသားကြီးထွားမှုကို စောင့်ကြည့်ရန်၊ နှုတ်ခမ်းကွဲအာခေါင် ကွဲဖြင့် မွေးဖွားလာပါက အသက်(၁၂)လအတွင် နှုတ်ခမ်းကို ခွဲစိတ်ရန် အကောင်းဆုံး ဖြစ်သည်။ အာခေါင်ကွဲလျှင် အသက်(၁၈)လ အရွယ်တွင် လုပ်သင့်ပါသည်။ နှုတ်ခမ်းကွဲ အာခေါင်ကွဲ ကလေးများကို စောလျှင်စွာ ခွဲစိတ်ပြုပြင်ပေးခြင်းဖြင့် မျက်နှာကောင်းစွာ ဖြစ်ပေါ်စေခြင်း၊ စကားပြောရာတွင် အသံပီသမှုကို အထောက်အကူပြုစေခြင်း၊ အသက်ရှူခြင်းနှင့် အကြားအာရုံတို့ကိုပါ ပြောင်းလဲစေနိုင်ပါသည်။

ပရိုမိုးရှင်း

သတင်းနှင့် မီဒီယာ

အလှကုန် ပစ္စည်းများ

ဝန်ဆောင်မှုများ

MySQL: 0.0003 s, 0 request(s), PHP: 0.0035 s, total: 0.0039 s, document retrieved from cache.